საქართველოს სასაზღვრო პოლიციის ლეიტენანტმა დიდი ბრიტანეთის სამეფო საზღვაო კოლეჯში ოფიცრის ერთწლიანი კურსი დაასრულა

შინაგან საქმეთა სამინისტროს სასაზღვრო პოლიციის სანაპირო დაცვის დეპარტამენტის აბორდაჟის ჯგუფის უფროსმა ინსპექტორმა, ლეიტენანტმა რუსლან დოლიძემ დიდი ბრიტანეთის სამეფო საზღვაო კოლეჯში (Britannia Royal Naval College) ოფიცრის ერთწლიანი კურსი წარმატებით დაასრულა.

აშშ-ის სახელმწიფო დეპარტამენტი: საქართველოს სასაზღვრო პოლიცია და სანაპირო დაცვა კარგად ორგანიზებული და მაღალკომპეტენტურია

აშშ-ის სახელმწიფო დეპარტამენტმა ტერორიზმის შესახებ 2020 წლის ქვეყნების ანგარიში გამოაქვეყნა, სადაც მსოფლიოს სხვადასხვა ქვეყნებთან ერთად, შეფასებულია ტერორიზმის წინააღმდეგ ბრძოლის კუთხით საქართველოს მიერ განხორციელებული ღონისძიებები. ანგარიშში აღნიშნულია საქართველოს მთავრობის მიერ გაწეული ღონისძიებები სასაზღვრო და საავიაციო უსაფრთხოების გაძლიერების კუთხით.

სასაზღვრო პოლიციას მიგრაციის საერთაშორისო ორგანიზაციის (IOM) მხარდაჭერით თანამედროვე აღჭურვილობა გადაეცა

შინაგან საქმეთა სამინისტროს სასაზღვრო პოლიციას მიგრაციის საერთაშორისო ორგანიზაციამ (IOM), ევროკავშირის ფინანსური დახმარებით​, სტრატეგიული კომუნიკაციების გასაძლიერებლად ფოტო-ვიდეო და აეროგადაღების კამერები გადმოსცა. სასაზღვრო პოლიციას, ასევე, კომპიუტერული ტექნიკა და სიმაღლეზე მცოცავთა უსაფრთხოების ეკიპირება გადაეცა. IOM-ის მხარდაჭერით, განახლდა სასაზღვრო პოლიციის ვებ-გვერდიც - bpg.gov.ge.

შავ ზღვაში საქართველოს სანაპირო დაცვის ხომალდებისა და USS Arleigh Burke-ის მონაწილეობით ერთობლივი წვრთნები ჩატარდა

შინაგან საქმეთა სამინისტროს სასაზღვრო პოლიციის სანაპირო დაცვის დეპარტამენტის წარმომადგენლებმა და აშშ-ს სამხედრო-საზღვაო ძალების ხომალდის - "USS Arleigh Burke"-ის მეზღვაურებმა შავ ზღვაში ერთობლივი წვრთნები ჩაატარეს.

სასაზღვრო პოლიციის უფროსმა საქართველოში ნატოს სამეკავშირეო ოფისის ხელმძღვანელთან გამოსამშვიდობებელი შეხვედრა გამართა

შინაგან საქმეთა სამინისტროს სასაზღვრო პოლიციის უფროსმა, გენერალ-მაიორმა ნიკოლოზ შარაძემ, საქართველოში ნატოს სამეკავშირეო ოფისის ხელმძღვანელთან- როზარია პუგლისთან, გამოსამშვიდობებელი შეხვედრა გამართა.

შინაგან საქმეთა სამინისტროს სასაზღვრო ავიაციამ თუშეთის მიმართულებით სამოქალაქო რეისები განაახლა

შინაგან საქმეთა სამინისტროს სასაზღვრო პოლიციის ავიაციამ ალვანიდან თუშეთის მიმართულებით რეგულარული რეისები განაახლა. ვერტმფრენმა განახლებული სამოქალაქო რეისით სოფელ ომალოში პირველი მგზავრები უკვე გადაიყვანა.

სანაპირო დაცვის დეპარტამენტის დირექტორმა დიდი ბრიტანეთის ელჩს საზღვაო ოპერაციების ერთობლივი მართვის ცენტრში უმასპინძლა

შინაგან საქმეთა სამინისტროს სასაზღვრო პოლიციის სანაპირო დაცვის დეპარტამენტის დირექტორმა, I რანგის კაპიტანმა რამაზ პაპიძემ საზღვაო ოპერაციების ერთობლივი მართვის ცენტრში (JMOC) დიდი ბრიტანეთისა და ჩრდილოეთ ირლანდიის გაერთიანებული სამეფოს საგანგებო და სრულუფლებიან ელჩს - მარკ კლეიტონს დელეგაციასთან ერთად უმასპინძლა.

საქართველოსა და თურქეთის სასაზღვრო ქვედანაყოფების ერთობლივი წვრთნები ჩატარდა

ერთობლივი წვრთნების მიზანი იყო ორი ქვეყნის სასაზღვრო ქვედანაყოფებს შორის სახმელეთო საზღვრის დაცვის მიმართულებით გამოცდილების გაზიარება და საზღვრის უსაფრთხოებასთან დაკავშირებულ საკითხებში კოორდინირებული მოქმედებების გაუმჯობესება. სწავლების ფარგლებში, მესაზღვრეებმა სასაზღვრო ინციდენტებზე რეაგირებისა და პრევენციული ოპერაციების ჩატარების შესაძლებლობები დახვეწეს.

შინაგან საქმეთა სამინისტროს დანაყოფები „დიდგორი 2021”-ის საშტაბო და საველე კომპონენტებში მონაწილეობენ

სწავლების აქტიურ ფაზაში საველე კომპონენტი შინაგან საქმეთა სამინისტროს სასაზღვრო პოლიციის ავიაციისა და სტრატეგიული მილსადენების დაცვის დეპარტამენტის წარმომადგენლებმა თავდაცვის სამინისტროს სპეციალური ოპერაციების ძალებთან კოორდინაციით გაათამაშეს.

სასაზღვრო პოლიციის უფროსმა აშშ-ის საზღვაო ძალების მე-6 ფლოტის სარდალს უმასპინძლა

შინაგან საქმეთა სამინისტროს სასაზღვრო პოლიციის უფროსმა, გენერალ-მაიორმა ნიკოლოზ შარაძემ აშშ-ის საზღვაო ძალების მე-6 ფლოტის სარდალს, ვიცე-ადმირალ ეუჯინ ბლექს საზღვაო ოპერაციების ერთობლივი მართვის ცენტრში (JMOC) აშშ-ს დელეგაციასთან ერთად უმასპინძლა.

შინაგან საქმეთა სამინისტრო უწყებათაშორის სწავლებაში დიდგორი 2021 მონაწილეობს

შინაგან საქმეთა სამინისტროს 200-მდე თანამშრომელი უწყებათაშორის სწავლებაში „დიდგორი 2021" მონაწილეობს, რომელიც საომარ და კრიზისულ სიტუაციაში სამთავრობო უწყებებს შორის კოორდინაციის გაღრმავებისა და ურთიერთქმედების დახვეწას ემსახურება.

საქართველოს ტერიტორიულ წყლებში საზღვაო ვიზიტით მყოფ აშშ-ის ხომალდ Mount Whitney-ზე ოფიციალური მიღება გაიმართა

საქართველოს ტერიტორიულ წყლებში ვიზიტით მყოფ ამერიკის შეერთებული შტატების საზღვაო ძალების მე-6 ფლოტის სამეთაურო ხომალდზე - "USS Mount Whitney" (LCC 20) ოფიციალური მიღება გაიმართა. ბათუმში აღნიშნულ ხომალდზე გამართულ მიღებას საქართველოს პრემიერ-მინისტრთან - ირაკლი ღარიბაშვილთან და მაღალი რანგის სტუმრებთან ერთად შინაგან საქმეთა სამინისტროს სასაზღვრო პოლიციის უფროსი, გენერალ მაიორი ნიკოლოზ შარაძე დაესწრო. სტუმრებს მე-6 ფლოტის უფროსმა, ევროპასა და აფრიკაში აშშ-ის სამხედრო-საზღვაო ძალების მეთაურის მოადგილემ - ვიცე-ადმირალმა ეუჯინ ბლექმა, ხომალდ "Mount Whitney"-ის მეთაურმა - დანიელ პროჩაზკამ და აშშ-ის ელჩმა საქართველოში - კელი დეგნანმა უმასპინძლეს.