შინაგან საქმეთა სამინისტროს სასაზღვრო პოლიციის სწრაფი რეაგირების მთავარი სამმართველოს თანამშრომლებს აშშ-ის საბაჟოსა და საზღვრის დაცვის უწყების ინსტრუქტორებმა სპეციალური სწავლება ჩაუტარეს.
სწავლება მოიცავდა, როგორც თეორიულ, ისე პრაქტიკულ სავარჯიშოებს და საველე სწავლებებს.
სასწავლო კურსი ამერიკის შეერთებული შტატების კონტროლისა და საზღვრის უსაფრთხოების (EXBS) პროგრამისა და ამერიკის საბაჟოსა და საზღვრის დაცვის (CBP) ოფისის თანამშრომლობის ფარგლებში ჩატარდა და მოიცავდა ისეთ საკითხებს, როგორიც არის მისიის დაგეგმვა, დახურულ სივრცეში ბრძოლის ტექნიკა, პატრულირება და ჯგუფური გადაადგილებები, სახმელეთო ნავიგაცია, პირველადი სამედიცინო დახმარების აღმოჩენა და სხვა.
სწავლების დასასრულს, აშშ-ის ექსპორტის კონტროლისა და საზღვრის უსაფრთხოების პროგრამის (EXBS) რეგიონულმა მრჩეველმა, კარენ ჩეისონმა და აშშ-ის საბაჟო და საზღვრის დაცვის ატაშემ, თურქეთსა და კავკასიის რეგიონში, საურაბ ბჰატმა მონაწილეებს სერტიფიკატები გადასცეს.
