სასაზღვრო პოლიცია სასაზღვრო რეჟიმს დაქვემდებარებულ ტერიტორიაზე გამაფრთხილებელი ნიშნების დამონტაჟებასთან დაკავშირებით რეგიონებში საინფორმაციო შეხვედრებს მართავს

შინაგან საქმეთა სამინისტროს სასაზღვრო პოლიციამ საქართველოს სახელმწიფო საზღვრის სასაზღვრო ზონასა და სასაზღვრო ზოლში გამაფრთხილებელი ნიშნების მონტაჟი დაიწყო. 2022 წლის პირველი სექტემბრიდან კი საქართველოს სახელმწიფო საზღვრის სახმელეთო მონაკვეთზე დადგენილი სასაზღვრო რეჟიმის დარღვევისთვის სამართალდამრღვევი პირების მიმართ, ადმინისტრაციული წესით დაჯარიმების მექანიზმები იქნება გამოყენებული.

შინაგან საქმეთა სამინისტრომ სახელმწიფო საზღვართან გამაფრთხილებელი ნიშნების განთავსება დაიწყო

შინაგან საქმეთა სამინისტროს სასაზღვრო პოლიციამ, სასაზღვრო რეჟიმს დაქვემდებარებულ ტერიტორიასთან მიახლოებისას ან აღნიშნულ ტერიტორიაზე ყოფნისას პირთა ინფორმირების მიზნით, სახელმწიფო საზღვართან გამაფრთხილებელი ნიშნების განთავსება დაიწყო, რომლებიც სახელმწიფო საზღვრის ზონაში არაუმეტეს 5კილომეტრში, სასაზღვრო ზოლში კი 500 მეტრის სიგანის ნაწილში დამონტაჟდება.

საქართველოს შინაგან საქმეთა სამინისტროს სასაზღვრო პოლიციამ სანაპირო დაცვის დღე აღნიშნა

შინაგან საქმეთა სამინისტროს სასაზღვრო პოლიციის სანაპირო დაცვის დაარსებიდან 24 წელი შესრულდა. სანაპირო დაცვის დღისადმი მიძღვნილი ღონისძიება ფოთში, სანაპირო დაცვის დეპარტამენტის ბაზაზე, სასაზღვრო პოლიციის უფროსმა, გენერალ-მაიორმა ნიკოლოზ შარაძემ სანაპირო დაცვის დეპარტამენტის დირექტორთან, I რანგის კაპიტან რამაზ პაპიძესთან ერთად გახსნა.

NATO-მ საქართველოს ალიანსის საზღვაო უსაფრთხოების ოპერაცია ”ზღვის მცველის” ოპერაციული პარტნიორის სტატუსი მიანიჭა

შინაგან საქმეთა სამინისტროს სასაზღვრო პოლიციის სანაპირო დაცვის კანონაღსრულების ტაქტიკურმა ქვედანაყოფებმა წარმატებით დაასრულეს NATO-ს ოთხდონიანი შეფასება, რის შემდეგაც ჩრდილოატლანტიკურმა საბჭომ საქართველოსთვის ხმელთაშუა ზღვაში მიმდინარე ოპერაციის - „ზღვის მცველის“ ოპერაციული პარტნიორის სტატუსის მინიჭებასთან დაკავშირებით დადებითი გადაწყვეტილება მიიღო.

სასაზღვრო პოლიციის სანაპირო დაცვის დეპარტამენტის დირექტორი ოფიციალური ვიზიტით ბულგარეთის რესპუბლიკაში იმყოფებოდა

შინაგან საქმეთა სამინისტროს სასაზღვრო პოლიციის სანაპირო დაცვის დეპარტამენტის დირექტორი, I რანგის კაპიტანი რამაზ პაპიძე, ოფიციალური ვიზიტით, ბულგარეთის რესპუბლიკაში, სამხედრო-საზღვაო ძალების შტაბში იმყოფებოდა.  

შსს სასაზღვრო პოლიციას პარლამენტის თავმჯდომარე ესტუმრა

შინაგან საქმეთა სამინისტროს სასაზღვრო პოლიციის სექტორ „სამებას“ (N2 სამმართველო - ახალციხე) საქართველოს პარლამენტის თავმჯდომარე შალვა პაპუაშვილი პარლამენტის წევრებთან ერთად ესტუმრა.

სასაზღვრო პოლიციამ საზღვრის უკანონოდ ჯგუფურად გადაკვეთის მცდელობისთვის უცხო ქვეყნის 5 მოქალაქე დააკავა

შინაგან საქმეთა სამინისტროს სასაზღვრო პოლიციის თანამშრომლებმა, ბოლო პერიოდში, ახალციხის სამმართველოს სასაზღვრო სექტორ "ვალე"-ს დასაცავ მონაკვეთზე ჩატარებული ღონისძიების შედეგად, ბანგლადეშის რესპუბლიკის 2 მოქალაქე: 1996 წელს დაბადებული მ.ტ. და 1982 წელს დაბადებული მ.ა. ასევე, თურქეთის რესპუბლიკის მოქალაქეები:1982 წელს დაბადებული მ.ა, 1977 წელს დაბადებული ე.გ და 1982 წელს დაბადებული ფ.ჩ საქართველოს სახელმწიფო საზღვრის უკანონოდ, ჯგუფურად გადაკვეთის მცდელობის ფაქტზე დააკავეს.

სასაზღვრო პოლიციის სწრაფი რეაგირების თანამშრომლებს ამერიკელი ინსტრუქტორების მონაწილეობით სპეციალური სწავლება ჩაუტარდათ

შინაგან საქმეთა სამინისტროს სასაზღვრო პოლიციის სწრაფი რეაგირების მთავარი სამმართველოს 20 მესაზღვრეს, სასაზღვრო პოლიციის ლილოს ბაზის ტერიტორიაზე სპეციალური სწავლება ჩაუტარდა. სწავლება აშშ-ის საელჩოს ექსპორტის კონტროლის და საზღვრის უსაფრთხოების პროგრამის (EXBS) კოორდინაციითა და დაფინანსებით დაიგეგმა და აშშ-ს საზღვრის დაცვის უწყების ინსტრუქტორების დახმარებით განხორციელდა.

ნატოს საპარლამენტო ასამბლეის თავდაცვისა და უსაფრთხოების კომიტეტის წარმომადგენლები სასაზღვრო პოლიციაში იმყოფებოდნენ

შინაგან საქმეთა სამინისტროს სასაზღვრო პოლიციას ნატოს საპარლამენტო ასამბლეის თავდაცვისა და უსაფრთხოების კომიტეტის, სამომავლო უსაფრთხოებისა და თავდაცვის შესაძლებლობების ქვეკომიტეტის დელეგაცია ესტუმრა. სტუმრებს სასაზღვრო პოლიციის უფროსმა, გენერალ-მაიორმა ნიკოლოზ შარაძემ უმასპინძლა და დელეგაციის წევრებს საქართველოს სასაზღვრო პოლიციის პრიორიტეტები და მიმდინარე პროექტები გააცნო.

სასაზღვრო პოლიციის უფროსმა ლიეტუვის რესპუბლიკის სახელმწიფო საზღვრის დაცვის სამსახურის დელეგაციას უმასპინძლა

შინაგან საქმეთა სამინისტროს სასაზღვრო პოლიციას, ლიეტუვის სახელმწიფო საზღვრის დაცვის სამსახურის მეთაურის - გენერალ რუსტამას ლიუბაევსის ხელმძღვანელობით, ლიეტუვის რესპუბლიკის სახელმწიფო საზღვრის დაცვის სამსახურის დელეგაცია ოფიციალური ვიზიტით ეწვია. სტუმრებს სასაზღვრო პოლიციის უფროსმა, გენერალ-მაიორმა ნიკოლოზ შარაძემ მოადგილეებთან ერთად უმასპინძლა.

სასაზღვრო პოლიციის სანაპირო დაცვას ევროკავშირის და მიგრაციის საერთაშორისო ორგანიზაციის მხარდაჭერით 4 საპატრულო კატარღა გადაეცა

შინაგან საქმეთა სამინისტროს სასაზღვრო პოლიციის სანაპირო დაცვას თანამედროვე ტექნოლოგიებით აღჭურვილი, „დეფენდერის“ ტიპის 4 სწრაფმავალი მცირე საპატრულო კატარღა შეემატა. აღნიშნული კატარღების შეძენა და გადმოცემა ევროკავშირის ფინანსური დახმარებით პროექტ "SAFE"-ის ფარგლებში და მიგრაციის საერთაშორისო ორგანიზაციის (IOM) კოორდინაციით განხორციელდა.

სასაზღვრო პოლიციამ საზღვრის უკანონოდ გადაკვეთის ბრალდებით უცხო ქვეყნის 2 მოქალაქე დააკავა

შინაგან საქმეთა სამინისტროს სასაზღვრო პოლიციის თანამშრომლებმა, ახალციხის სამმართველოს სასაზღვრო სექტორ "ვალეს" დასაცავ მონაკვეთზე ჩატარებული ოპერატიულ-სამძებრო ღონისძიების შედეგად, თურქეთის რესპუბლიკის ორი მოქალაქე - 1983წ. დაბადებული ი.ი. და 1978წ. დაბადებული მ.ა. საქართველოს სახელმწიფო საზღვრის უკანონოდ, ჯგუფურად გადაკვეთის ფაქტზე დააკავეს.