შინაგან საქმეთა სამინისტროს სასაზღვრო პოლიციის, საპატრულო პოლიციის დეპარტამენტის და ფინანსთა სამინისტროს შემოსავლების სამსახურის საბაჟო დეპარტამენტის თანამშრომლებმა, ერთობლივად ჩატარებული ოპერატიულ-საგამოძიებო მოქმედებების შედეგად 2 პირი დააკავეს.
უცხო ქვეყნის მოქალაქეები 1969 წელს დაბადებული ა.ა და 1975 წელს დაბადებულ მ.ა. საქართველო-თურქეთის სახელმწიფო საზღვარზე მიგრანტის უკანონოდ გადაყვანის მცდელობის და საქართველოს სახელმწიფო საზღვრის უკანონოდ გადაკვეთის მცდელობის ფაქტზე დააკავეს.
დანაშაული 5 წლამდე ვადით თავისუფლების აღკვეთას ითვალისწინებს.
გამოძიებით დადგინდა, რომ მ.ა.-ს მისი მართვის ქვეშ არსებულ სატვირთო ავტომანქანის მისაბმელში მოწყობილი სამალავის მეშვეობით, სასაზღვრო გამტარი პუნქტი „სარფის“ გავლით, საქართველო-თურქეთის სახელმწიფო საზღვარზე, მიგრანტის ა.ა.-ს უკანონოდ გადაყვანას შეეცადა. ასევე, სატვირთო ავტომანქანის მისაბმელში სამართალდამცველების მიერ აღმოჩენილია არადეკლარირებული ტვირთი - 2 500 ცალი ელექტროსიგარეტი.
გამოძიება საქართველოს სისხლის სამართლის კოდექსის 19-344- მუხლის 1-ელი და 19-344 პრიმა მუხლის 1-ელი ნაწილით მიმდინარეობს.
