შინაგან საქმეთა სამინისტრომ ადამიანებით ვაჭრობის (ტრეფიკინგის) ფაქტი გამოავლინა - დაკავებულია 2 პირი

შინაგან საქმეთა სამინისტროს სასაზღვრო პოლიციის თანამშრომლებმა, სამცხე-ჯავახეთის საოლქო პროკურატურის თანამშრომლებთან ერთად ჩატარებული საგამოძიებო და ოპერატიული ღონისძიებების შედეგად, ნინოწმინდის მუნიციპალიტეტში ადამიანებით ვაჭრობის (ტრეფიკინგის) ფაქტი გამოავლინეს. სამი პირის მიმართ ჩადენილი ტრეფიკინგის ბრალდებით დაკავებულია მამა-შვილი: 1960 წელს დაბადებული ბ.წ. და 1994 წელს დაბადებული მ.წ.

სასაზღვრო პოლიციის უფროსი ნატოს სამეკავშირეო ოფისის ხელმძღვანელს შეხვდა

შინაგან საქმეთა სამინისტროს სასაზღვრო პოლიციის უფროსმა, პოლკოვნიკმა ნიკოლოზ შარაძემ საქართველოში ნატოს სამეკავშირეო ოფისის ხელმძღვანელს როსარია პუგლისს უმასპინძლა.

სასაზღვრო პოლიციის უფროსი თურქეთის რესპუბლიკის სამხედრო ატაშეს შეხვდა

შინაგან საქმეთა სამინისტროს სასაზღვრო პოლიციის უფროსი, პოლკოვნიკი ნიკოლოზ შარაძე თურქეთის რესპუბლიკის სამხედრო ატაშეს, პოლკოვნიკ ბურაქ ალთინერს შეხვდა. შეხვედრას სამხედრო ატაშეს მოადგილეები: მაიორი ზაფერ ეთიქი, II რანგის კაპიტანი ფათიჰ ბალი და კაპიტანი დენიზ ქუჩუქი ესწრებოდნენ.

სასაზღვრო პოლიციის უფროსი ნიკოლოზ შარაძე გერმანიის ელჩს შეხვდა

შინაგან საქმეთა სამინისტროს სასაზღვრო პოლიციის უფროსმა, პოლკოვნიკმა ნიკოლოზ შარაძემ საქართველოში გერმანიის ფედერაციული რესპუბლიკის საგანგებო და სრულუფლებიან ელჩთან, ჰუბერტ ქნირშთან, გაცნობითი ხასიათის შეხვედრა გამართა. შეხვედრას გერმანიის საელჩოს უსაფრთხოების სამსახურის უფროსი, გერმანიის ფედერალური პოლიციის თანამშრომელი ჯამილა ფიშერი და სამხრეთ კავკასიაში უსაფრთხოების საკითხების მრჩეველი პატრიკ კრონბერგი ესწრებოდნენ.

საქართველოს ტერიტორიულ წყლებში ამერიკის შეერთებული შტატების სამხედრო-საზღვაო ძალების ხომალდი „დონალდ კუკი“ შემოვიდა

საქართველოს ტერიტორიულ წყლებში ამერიკის შეერთებული შტატების სამხედრო-საზღვაო ძალების ხომალდი „დონალდ კუკი“ (USS Donald Cook - DDG-75) შემოვიდა. ბათუმის პორტში ხომალდს საქართველოს შინაგან საქმეთა სამინისტროს სასაზღვრო პოლიციის სანაპირო დაცვის დეპარტამენტის დირექტორი, I რანგის კაპიტანი რამაზ პაპიძე და ამავე დეპარტამენტის წარმომადგენლები დახვდნენ.

შინაგან საქმეთა სამინისტროს სასაზღვრო პოლიციას სატვირთო და საწვავმზიდი სატრანსპორტო საშუალებები გადმოეცა

შინაგან საქმეთა სამინისტროს სასაზღვრო პოლიციას, აშშ-ის საელჩოს თავდაცვის საფრთხეების შემცირების სააგენტოს (DTRA) ფინანსური მხარდაჭერით, სახმელეთო საზღვრის დაცვის შესაძლებლობების გაუმჯობესების მიზნით, სატვირთო და საწვავმზიდი სატრანსპორტო საშუალებები გადმოეცა.