შინაგან საქმეთა სამინისტრომ ფრანგულ კომპანია ”Airbus Helicopters”-თან 3 ახალი შვეულმფრენის შესყიდვის მიზნით ხელშეკრულება გააფორმა

შინაგან საქმეთა სამინისტროში, ფრანგულ კომპანია "Airbus Helicopters"-თან 3 ახალი შვეულმფრენის შესყიდვის მიზნით ხელშეკრულება გაფორმდა. საქართველოს მხრიდან ხელშეკრულებას ხელი მოაწერა სასაზღვრო პოლიციის უფროსმა - ნიკოლოზ შარაძემ, ხოლო მომწოდებელი კომპანიის მხრიდან - "Airbus Helicopters"-ის წარმომადგენელმა, რომეინ ლანამ.

სასაზღვრო პოლიციის სანაპირო დაცვის დეპარტამენტის და სწრაფი რეაგირების მთავარი სამმართველოს თანამშრომლებს ტრენინგი ჩაუტარდათ

შინაგან საქმეთა სამინისტროს სასაზღვრო პოლიციის სანაპირო დაცვის დეპარტამენტის კანონაღსრულებისა და საზღვაო უსაფრთხოების სამსახურისა და  სწრაფი რეაგირების მთავარი სამმართველოს 30-მა თანამშრომელმა ტაქტიკურ სიტუაციებში მოქმედების სწავლება გაიარა. ტრენინგი დიდი ბრიტანეთისა და ჩრდილოეთ ირლანდიის გაერთიანებული სამეფოს სამხედრო-საზღვაო ძალების წარმომადგენლებმა ჩაატარეს. 

სასაზღვრო პოლიციის თანამშრომლებს  ამერიკელი ინსტრუქტორების მონაწილეობით სწავლება ჩაუტარდათ

შინაგან საქმეთა სამინისტროს სასაზღვრო პოლიციის ლილოს ბაზის ტერიტორიაზე, ამერიკელი ინსტრუქტორების დახმარებით, სახმელეთო საზღვრის დაცვის დეპარტამენტის და სწრაფი რეაგირების მთავარი სამმართველოს თანამშრომლებისთვის კიდევ სამი სწავლება ჩატარდა. 

საქართველოს შინაგან საქმეთა სამინისტროს სასაზღვრო პოლიციის უფროსი ოფიციალური ვიზიტით თურქეთის რესპუბლიკაში იმყოფებოდა

საქართველოს შინაგან საქმეთა სამინისტროს სასაზღვრო პოლიციის უფროსი, გენერალ-მაიორი ნიკოლოზ შარაძე, დელეგაციასთან ერთად, ოფიციალური ვიზიტით, თურქეთის რესპუბლიკაში, ანკარასა და სტამბოლში იმყოფებოდა.

სასაზღვრო პოლიციამ ნაოსნობის წესების დარღვევის ფაქტი გამოავლინა - დაჯარიმდა უცხო ქვეყნის დროშით მცურავი გემი

შინაგან საქმეთა სამინისტროს სასაზღვრო პოლიციის სანაპირო დაცვის დეპარტამენტის თანამშრომლებმა, საქართველოს ტერიტორიულ წყლებში, ნაოსნობის წესების დარღვევის ფაქტზე, დანიის დროშის ქვეშ მცურავი გემი  (ტანკერი)  "STEN NEPTUN" დააკავეს.

სასაზღვრო პოლიციის თანამშრომლებს ამერიკელმა ინსტრუქტორებმა სწავლება ჩაუტარეს

შინაგან საქმეთა სამინისტროს სასაზღვრო პოლიციის სწრაფი რეაგირების მთავარი სამმართველოს და სახმელეთო საზღვრის დაცვის დეპარტამენტის თანამშრომლებს ამერიკელმა ინსტრუქტორებმა ჯგუფური ოპერაციის განხორციელების საკითხებზე სპეციალური სწავლება ჩაუტარეს. წვრთნები სასაზღვრო პოლიციის ლილოს ბაზის ტერიტორიაზე განხორციელდა.

შინაგან საქმეთა სამინისტროს დელეგაცია ოფიციალური სამუშაო ვიზიტით პოლონეთის რესპუბლიკაში იმყოფებოდა

შინაგან საქმეთა სამინისტროს სასაზღვრო პოლიციის უფროსი, ნიკოლოზ შარაძე და საპატრულო პოლიციის დეპარტამენტის დირექტორი, ვაჟა სირაძე პოლონეთში, ქალაქ ვარშავაში, Frontex-ის მიერ ორგანიზებულ, საზღვრის პოლიციის 25-ე საერთაშორისო კონფერენციას დაესწრნენ. ღონისძიების ძირითად თემას წარმოადგენდა საზღვარზე შექმნილ საგანგებო სიტუაციებზე რეაგირებისთვის მომზადება.

სასაზღვრო პოლიციამ საზღვრის უკანონოდ, ჯგუფურად გადაკვეთის ბრალდებით სამი პირი დააკავა

შინაგან საქმეთა სამინისტროს სასაზღვრო პოლიციის თანამშრომლებმა, ბათუმის სამმართველოს სასაზღვრო სექტორ "ჩირუხის" დასაცავ მონაკვეთზე ჩატარებული ოპერატიულ-სამძებრო ღონისძიებების შედეგად, ავღანეთის ისლამური რესპუბლიკის მოქალაქეები - 1998 წელს დაბადებული ა.ს., 2002 წელს დაბადებული შ.ა. და 1985 წელს დაბადებული ზ.პ. საქართველოს სახელმწიფო საზღვრის უკანონოდ, ჯგუფურად გადაკვეთის ბრალდებით დააკავეს.

შინაგან საქმეთა სამინისტროს სასაზღვრო პოლიციის უფროსმა აშშ-ის სახელმწიფო დეპარტამენტის მდივნის მოადგილეს უმასპინძლა

საქართველოს შინაგან საქმეთა სამინისტროს სასაზღვრო პოლიციის უფროსი, გენერალ-მაიორი ნიკოლოზ შარაძე აშშ-ის სახელმწიფო დეპარტამენტის მდივნის მოადგილეს შეიარაღებაზე კონტროლისა და საერთაშორისო უსაფრთხოების საკითხებში - ბონი დენის ჯენკინსს შეხვდა.

სასაზღვრო პოლიციის 25 თანამშრომელს ამერიკელმა ინსტრუქტორებმა სწავლება ჩაუტარეს

შინაგან საქმეთა სამინისტროს სასაზღვრო პოლიციის სწრაფი რეაგირების მთავარი სამმართველოს 15 თანამშრომელს და სახმელეთო საზღვრის დაცვის დეპარტამენტის 10 მესაზღვრეს სასაზღვრო სექტორ "ჩირუხის" ტერიტორიაზე სპეციალური სწავლება ჩაუტარდათ.

სასაზღვრო პოლიციამ სახელმწიფო საზღვარზე მიგრანტის უკანონოდ გადაყვანის მცდელობის ბრალდებით 3 პირი დააკავა

შინაგან საქმეთა სამინისტროს სასაზღვრო პოლიციის თანამშრომლებმა, აჭარის ავტონომიური რესპუბლიკის პროკურატურის თანამშრომლებთან ერთად, ჩატარებული ოპერატიულ-საგამოძიებო მოქმედებების შედეგად, საქართველო-თურქეთის სახელმწიფო საზღვარზე მიგრანტის უკანონოდ გადაყვანის მცდელობის ფაქტზე, მოსამართლის განჩინების საფუძველზე დააკავეს საქართველოს 2 მოქალაქე - 1988 წელს დაბადებული გ.გ. და 1993 წელს დაბადებული კ.ს, ასევე,  თურქეთის 1 მოქალაქე - 1977 წელს დაბადებული ი.ფ.

სანაპირო დაცვის დეპარტამენტმა ნატოს გაერთიანებული საზღვაო ძალების სარდლობის (MARCOM) შტაბის წარმომადგენლებს და მობილურ საწვრთნელ ჯგუფს (MTT) უმასპინძლა

შინაგან საქმეთა სამინისტროს სასაზღვრო პოლიციის სანაპირო დაცვის დეპარტამენტს ნატოს გაერთიანებული საზღვაო ძალების სარდლობის (MARCOM) შტაბის წარმომადგენლები და მობილური საწვრთნელი ჯგუფი (MTT) ეწვივნენ. დელეგაციას სასაზღვრო პოლიციის სანაპირო დაცვის დეპარტამენტის დირექტორმა, I რანგის კაპიტანმა რამაზ პაპიძემ უმასპინძლა.