სასაზღვრო პოლიციის უფროსმა აგვისტოს ომში დაღუპული გმირების ხსოვნას პატივი მიაგო

შინაგან საქმეთა სამინისტროს სასაზღვრო პოლიციის უფროსმა - ნიკოლოზ შარაძემ, სანაპირო დაცვის დეპარტამენტის დირექტორთან - რამაზ პაპიძესთან ერთად, 2008 წლის რუსეთ-საქართველოს ომში სამსახურებრივი მოვალეობის შესრულების დროს დაღუპულთა მემორიალი გვირგვინით შეამკო.

სასაზღვრო პოლიციის სანაპირო დაცვას ევროკავშირის და მიგრაციის საერთაშორისო ორგანიზაციის მხარდაჭერით 4 საპატრულო კატარღა გადაეცა

შინაგან საქმეთა სამინისტროს სასაზღვრო პოლიციის სანაპირო დაცვას თანამედროვე ტექნოლოგიებით აღჭურვილი, „დეფენდერის“ ტიპის 4 სწრაფმავალი მცირე საპატრულო კატარღა შეემატა. აღნიშნული კატარღების შეძენა და გადმოცემა ევროკავშირის ფინანსური დახმარებით პროექტ "SAFE"-ის ფარგლებში და მიგრაციის საერთაშორისო ორგანიზაციის (IOM) კოორდინაციით განხორციელდა.

საქართველოს სანაპირო დაცვის ფოთის ბაზაზე სადარაჯო ხომალდის  „ქუთაისი“ შემადგენლობიდან გამოყვანის ცერემონიალი გაიმართა

შინაგან საქმეთა სამინისტროს სასაზღვრო პოლიციის სანაპირო დაცვის ფოთის ბაზაზე გაიმართა სადარაჯო ხომალდ „ქუთაისის“ შემადგენლობიდან გამოყვანის ოფიციალური ცერემონიალი, რომელიც 50 წლის განმავლობაში თურქეთის რესპუბლიკის სამხედრო-საზღვაო ძალებისა და საქართველოს სასაზღვრო პოლიციის სანაპირო დაცვის შემადგენლობაში მნიშვნელოვან ამოცანებს ასრულებდა. 

საზღვაო ოპერაციების ერთობლივი მართვის ცენტრს აშშ-ის ელჩი ეწვია

საზღვაო ოპერაციების ერთობლივი მართვის ცენტრს საქართველოში აშშ-ის ელჩი კელი დეგნანი ესტუმრა. ელჩს შინაგან საქმეთა სამინისტროს სასაზღვრო პოლიციის უფროსის პირველმა მოადგილემ, პოლკოვნიკმა გოჩა ჯანჯღავამ უმასპინძლა.

საქართველოს სასაზღვრო პოლიციის ლეიტენანტმა დიდი ბრიტანეთის სამეფო საზღვაო კოლეჯში ოფიცრის ერთწლიანი კურსი დაასრულა

შინაგან საქმეთა სამინისტროს სასაზღვრო პოლიციის სანაპირო დაცვის დეპარტამენტის აბორდაჟის ჯგუფის უფროსმა ინსპექტორმა, ლეიტენანტმა რუსლან დოლიძემ დიდი ბრიტანეთის სამეფო საზღვაო კოლეჯში (Britannia Royal Naval College) ოფიცრის ერთწლიანი კურსი წარმატებით დაასრულა.

აშშ-ის სახელმწიფო დეპარტამენტი: საქართველოს სასაზღვრო პოლიცია და სანაპირო დაცვა კარგად ორგანიზებული და მაღალკომპეტენტურია

აშშ-ის სახელმწიფო დეპარტამენტმა ტერორიზმის შესახებ 2020 წლის ქვეყნების ანგარიში გამოაქვეყნა, სადაც მსოფლიოს სხვადასხვა ქვეყნებთან ერთად, შეფასებულია ტერორიზმის წინააღმდეგ ბრძოლის კუთხით საქართველოს მიერ განხორციელებული ღონისძიებები. ანგარიშში აღნიშნულია საქართველოს მთავრობის მიერ გაწეული ღონისძიებები სასაზღვრო და საავიაციო უსაფრთხოების გაძლიერების კუთხით.

შავ ზღვაში საქართველოს სანაპირო დაცვის ხომალდებისა და USS Arleigh Burke-ის მონაწილეობით ერთობლივი წვრთნები ჩატარდა

შინაგან საქმეთა სამინისტროს სასაზღვრო პოლიციის სანაპირო დაცვის დეპარტამენტის წარმომადგენლებმა და აშშ-ს სამხედრო-საზღვაო ძალების ხომალდის - "USS Arleigh Burke"-ის მეზღვაურებმა შავ ზღვაში ერთობლივი წვრთნები ჩაატარეს.

სანაპირო დაცვის დეპარტამენტის დირექტორმა დიდი ბრიტანეთის ელჩს საზღვაო ოპერაციების ერთობლივი მართვის ცენტრში უმასპინძლა

შინაგან საქმეთა სამინისტროს სასაზღვრო პოლიციის სანაპირო დაცვის დეპარტამენტის დირექტორმა, I რანგის კაპიტანმა რამაზ პაპიძემ საზღვაო ოპერაციების ერთობლივი მართვის ცენტრში (JMOC) დიდი ბრიტანეთისა და ჩრდილოეთ ირლანდიის გაერთიანებული სამეფოს საგანგებო და სრულუფლებიან ელჩს - მარკ კლეიტონს დელეგაციასთან ერთად უმასპინძლა.

საქართველოს ტერიტორიულ წყლებში ამერიკის შეერთებული შტატების საზღვაო ძალების ხომალდები შემოვიდნენ

საქართველოს ტერიტორიულ წყლებში ამერიკის შეერთებული შტატების მე-6 ფლოტის სამეთაურო ხომალდი - USS Mount Whitney (LCC 20) და საზღვაო ხომალდი - USS Porter (DDG 78) შემოვიდნენ. ხომალდების ეკიპაჟების წევრებს ბათუმის პორტში შინაგან საქმეთა სამინისტროს სასაზღვრო პოლიციის სანაპირო დაცვის დეპარტამენტის დირექტორი, I რანგის კაპიტანი - რამაზ პაპიძე და აჭარის ავტონომიური რესპუბლიკის მთავრობის თავმჯდომარე - თორნიკე რიჟვაძე დახვდნენ.

სადარაჯო ხომალდი სოხუმი საპორტო ვიზიტით თურქეთის რესპუბლიკას ეწვია

შინაგან საქმეთა სამინისტროს სასაზღვრო პოლიციის სანაპირო დაცვის დეპარტამენტის სადარაჯო ხომალდი "სოხუმი" საპორტო ვიზიტით თურქეთის რესპუბლიკის ქალაქ ტრაპიზონში იმყოფებოდა.

შინაგან საქმეთა სამინისტროს სასაზღვრო პოლიციის სანაპირო დაცვამ ნაოსნობის წესების დარღვევის ფაქტი გამოავლინა

შინაგან საქმეთა სამინისტროს სასაზღვრო პოლიციის სანაპირო დაცვის დეპარტამენტის თანამშრომლებმა, საქართველოს ტერიტორიულ წყლებში, ნაოსნობის წესების დარღვევის ფაქტზე, ჩინეთის დროშის ქვეშ მცურავი მშრალტვირთმზიდი გემი "HONG FA SHANG HAI" დააკავეს.

შავ ზღვაში ნატო-საქართველოს ერთობლივი საზღვაო წვრთნები ჩატარდა

საქართველოს შინაგან საქმეთა სამინისტროს სასაზღვრო პოლიციის სანაპირო დაცვისა და ნატოს საზღვაო შენაერთის ხომალდებმა შავ ზღვაში ერთობლივი საზღვაო წვრთნები ჩაატარეს. სწავლება ნატოს მუდმივმოქმედი მეორე ნაღმსაწინააღმდეგო შენაერთის (SNMCMG2) საპორტო ვიზიტის ფარგლებში განხორციელდა.