შინაგან საქმეთა სამინისტროს სასაზღვრო პოლიციის უფროსი, გენერალ-მაიორი ნიკოლოზ შარაძე ამერიკის შეერთებული შტატების ექსპორტის კონტროლისა და საზღვრის უსაფრთხოების პროგრამის საქართველოს პროგრამების მენეჯერს, რიჩ ნესელს და ამავე პროგრამის რეგიონალურ მრჩეველს, კარენ ჩეისონს შეხვდა.
სასაზღვრო პოლიციაში გამართულ შეხვედრაზე ნიკოლოზ შარაძემ სტუმრებს საზღვრის დაცვის მართვის გაუმჯობესების მიზნით განხორციელებული საქმიანობა და არსებული გამოწვევები გააცნო. მხარეებმა ექსპორტის კონტროლისა და საზღვრის უსაფრთხოების პროგრამის დახმარებით მიმდინარე და სამომავლო პროექტები განიხილეს.
საქართველოს სასაზღვრო პოლიციასა და აშშ-ის ექსპორტის კონტროლისა და საზღვრის უსაფრთხოების პროგრამას შორის არსებული თანამშრომლობის ფარგლებში არაერთი მნიშვნელოვანი პროექტი მიმდინარეობს, როგორებიცაა: სწრაფი რეაგირების მთავარი სამმართველოს პერსონალის აღჭურვა, სახმელეთო საზღვრის დაცვის ინფრასტრუქტურის განვითარება, სანაპირო დაცვის დეპარტამენტის მცურავი საშუალებების მოდერნიზაცია და მათი მოვლა-შენარჩუნებისთვის საჭირო ხელსაწყოებისა და უნარ-ჩვევების განვითარება და სხვა.
ნიკოლოზ შარაძემ სტუმრებს მადლობა გადაუხადა საქართველოს სასაზღვრო პოლიციის შესაძლებლობების განვითარების საკითხში შეტანილი წვლილისთვის.
