სასაზღვრო პოლიციის თანამშრომლებს სწავლება ჩაუტარდათ

12-02-2024

საქართველოს შინაგან საქმეთა სამინისტროს  სასაზღვრო პოლიციის სწრაფი რეაგირების მთავარი სამმართველოსა და სანაპირო დაცვის დეპარტამენტის  კანონაღსრულებისა და საზღვაო უსაფრთხოების სამსახურების  პირადი შემადგენლობის 24 მოსამსახურეს სწავლება ჩაუტარდათ.

სწავლება სასაზღვრო პოლიციის სანაპირო დაცვის დეპარტამენტის ბაზაზე  და ასევე, თავდაცვის ძალების დასავლეთ სარდლობის II ქვეითი ბრიგადის სასროლეთზე ჩატარდა.

სასწავლო კურსი მოიცავდა საცეცხლე მომზადებაში პრაქტიკული მეცადინეობებს, ფიზიკურ და ტაქტიკურ მომზადებას, დახურულ სივრცეში ბრძოლის ტექნიკას, დაჭრილთა პირველად  დახმარებას,  ევაკუაციას, სროლის სპეციფიკას და ა.შ.


სწავლება შინაგან  საქმეთა სამინისტროს სასაზღვრო პოლიციაში სისტემატურად ტარდება და სასაზღვრო პოლიციის თანამშრომლების კვალიფიკაციის ამაღლებასა და უნარ-ჩვევების განვითარებას ისახავს მიზნად.

ფოტო რეპორტაჟი
სხვა სიახლეები

სასაზღვრო პოლიციამ უცხო ქვეყნის 8 მოქალაქე საზღვრის უკანონო კვეთის ფაქტზე დააკავა

შინაგან საქმეთა სამინისტროს სასაზღვრო პოლიციის თანამშრომლებმა, ბათუმის სამმართველოს სხვადასხვა სასაზღვრო სექტორების დასაცავ მონაკვეთებზე ჩატარებული ოპერატიულ-სამძებრო და საგამოძიებო ღონისძიების შედეგად, უცხო ქვეყნის 8 მოქალაქე: 1980 წელს დაბადებული ი. დ., .2002 წელს დაბადებული მ. თ., 1983 წელს დაბადებული ა. ფ., 1997 წელს დაბადებული მ. ა., 1985 წელს დაბადებული მ. რ., 1993 წელს დაბადებული მ. ი., 1981 წელს დაბადებული ო. მ. და 1978 წელს დაბადებული გ. ა. საქართველოს სახელმწიფო საზღვრის უკანონოდ, ჯგუფურად გადმოკვეთის და საქართველოს სახელმწიფო საზღვრის, ჯგუფურად, უკანონოდ, გადაკვეთის მცდელობის ფაქტებზე დააკავეს.

21-02-2025
კატეგორიები