შინაგან საქმეთა სამინისტროს სასაზღვრო პოლიციის სანაპირო დაცვის დეპარტამენტის ფოთის ბაზას და საზღვაო ოპერაციების ერთობლივი მართვის ცენტრს (JMOC) საქართველოში აკრედიტებული, სხვადასხვა ქვეყნის თავდაცვის ატაშეები ეწვივნენ. სტუმრებს სანაპირო დაცვის დეპარტამენტის ხელმძღვანელმა, I რანგის კაპიტანმა რამაზ პაპიძემ უმასპინძლა.
თავდაცვის ატაშეებმა ვიზიტი საზღვაო ოპერაციების ერთობლივი მართვის ცენტრის მონახულებით დაიწყეს. საზღვაო ოპერაციების ერთობლივი მართვის ცენტრის ხელმძღვანელმა, II რანგის კაპიტანმა შოთა მიროტაძემ სტუმრებს ცენტრის საქმიანობის შესახებ დეტალური ინფრომაცია მიაწოდა.
სასაზღვრო პოლიციის სანაპირო დაცვის ფოთის ბაზაზე თავდაცვის ატაშეებმა საინჟინრო-სარემონტო ინფრასტრუქტურა დაათვალიერეს. სტუმრებმა სანაპირო დაცვის ამოცანებსა და საზღვაო უსაფრთხოებასთან დაკავშირებულ საკითხებზე სანაპირო დაცვის დეპარტამენტის ხელმძღვანელებისგან ამომწურავი ინფორმაცია მიიღეს.
საინფორმაციო შეხვედრა "თავდაცვის ატაშეთა ასოციაციის" (TDAA) ინიციატივით გაიმართა.
