სასაზღვრო პოლიციის სანაპირო დაცვის თანამშრომლებმა რუმინეთის საზღვაო ძალებისა და ამერიკის შეერთებული შტატების ევროპისა და აფრიკის საზღვაო ძალების სარდლობის (USNAVEUR/AFR) ორგანიზებით რუმინეთის ქალაქ კონსტანცაში ,,განაღმვითი შესაძლებლობების გაუმჯობესების საზღვაო სწავლება'' (EP MCM DIVE 2025) გაიარეს.
სწავლება მოიცავდა, როგორც თეორიულ ასევე პრაქტიკულ ღონისძიებებს, მათ შორის: მყვინთავის აღჭურვილობის გაცნობა; უსაფრთხოების წესები ყვინთვამდე და ყვინთვის შემდეგ; ბაროკამერის გაცნობა და დანიშნულება; ნაღმების ხმელეთზე გამოტანის ხერხები და წყალქვეშა ძებნის მეთოდები; მყვინთავის ეკიპირებით ვერტმფრენიდან წყალში ხტომა და წყლიდან ვერტმფრენზე აყვანა; სიღრმეში ყვინთვა 50 მეტრამდე და სხვა კომპონენტები.
აღნიშნული სწავლება მიზნად ისახავს მონაწილე ქვეყნების შესაბამისი დანაყოფების განაღმვითი შესაძლებლობებისა და ურთიერთთავსებადობის გაზრდას. სწავლების დასრულების შემდეგ სანაპირო დაცვის დეპარტამენტის თანამშრომლებს შესაბამისი სერთიფიკატები გადაეცათ.
