შინაგან საქმეთა სამინისტროს სასაზღვრო პოლიციის თანამშრომლებმა ოპერატიული ინფორმაციის საფუძველზე, საპატრულო პოლიციის დეპარტამენტის საზღვრის მართვისა და კოორდინირების მთავარი სამმართველოს, ასევე, ფინანსთა სამინისტროს შემოსავლების სამსახურის საბაჟო დეპარტამენტის თანამშრომლებთან, ერთობლივად ჩატარებული ოპერატიული ღონისძიებებისა და საგამოძიებო მოქმედებების შედეგად, უცხო ქვეყნის მოქალაქე - 1978 წელს დაბადებული ქ.ქ. განსაკუთრებით დიდი ოდენობით ფსიქოტროპული ნივთიერების უკანონო შეძენა-შენახვისა და საქართველოში განსაკუთრებით დიდი ოდენობით ფსიქოტროპული ნივთიერების უკანონოდ შემოტანის ბრალდებით დააკავეს.
დანაშაული 8-დან 12 წლამდე ვადით თავისუფლების აღკვეთას ითვალისწინებს.
გამოძიებით დადგინდა, რომ ბრალდებული სასაზღვრო გამტარი პუნქტი „სარფის“ გავლით თურქეთის რესპუბლიკიდან საქართველოში შემოვიდა. სამართალდამცველებმა, მისი პირადი ჩხრეკის შედეგად 227 კაფსულა ფსიქოტროპული ნივთიერების შემცვლელი მედიკამენტი ,,LYRICA” ნივთმტკიცებად ამოიღეს.
გამოძიება საქართველოს სსკ-ის 261-ე მუხლის მე-3 ნაწილის "ა" და სსკ-ის 263-ე მუხლის მე-3 ნაწილის "ა" ქვეპუნქტებით მიმდინარეობს.
