შინაგან საქმეთა სამინისტროს სასაზღვრო პოლიციის უფროსი, ნიკოლოზ შარაძე, თურქეთის რესპუბლიკის საელჩოს შინაგან საქმეთა საკითხების მრჩეველს, ნეჯმეთინ თეთიქს და უსაფრთხოების საკითხების მრჩეველს, ჰაქან ბეჯელს შეხვდა.
ნიკოლოზ შარაძემ თურქეთის რესპუბლიკის საელჩოს შინაგან საქმეთა საკითხების მრჩეველს და უსაფრთხოების საკითხების მრჩეველს ახალ პოზიციაზე დანიშვნა მიულოცა და მომავალ საქმიანობაში წარმატებები უსურვა.
გაცნობითი ხასიათის შეხვედრაზე მხარეებმა უწყებებს შორის არსებული და სამომავლო თანამშრომლობის საკითხები განიხილეს. აღინიშნა, თურქეთის რესპუბლიკის შინაგან საქმეთა სამინისტროს სანაპირო დაცვის სარდლობის მიერ საქართველოს სანაპირო დაცვის დეპარტამენტისათვის სხვადასხვა სფეროში აღმოჩენილი მხარდაჭერა და დახმარება.
შეხვედრაზე, სასაზღვრო პოლიციის ხელმძღვანელმა ნიკოლოზ შარაძემ სტუმრებს გაწეული დახმარებისთვის მადლობა გადაუხადა.
შეხვედრას, ასევე ესწრებოდა სასაზღვრო პოლიციის სანაპირო დაცვის დეპარტამენტის დირექტორი, რამაზ პაპიძე და თურქეთის რესპუბლიკის საელჩოს მესამე მდივანი, ბორან ქოჩბოღანი.
მხარეებმა, იმედი გამოთქვეს, რომ ორი ქვეყნის უწყებებს შორის არსებული წარმატებული ურთიერთობები და თანამშრომლობა სამომავლოდ კიდევ უფრო გაღრმავდება.
