სასაზღვრო პოლიციის განცხადება

01-05-2022

გაცნობებთ, რომ 2022 წლის 1 მაისიდან, საქართველოს სახმელეთო საზღვარზე, სასაზღვრო ზონასა და ზოლში შესვლის მსურველმა პირებმა უნდა შეავსონ განახლებული ფორმის განაცხადი;
,,სახელმწიფო საზღვრის რეჟიმისა და დაცვის წესის დამტკიცების შესახებ“ საქართველოს მთავრობის N 386 დადგენილებაში შეტანილი ცვლილებების საფუძველზე დამტკიცდა საქართველოს სასაზღვრო პოლიციის უფროსის N 416 ბრძანება - ,,სასაზღვრო ზოლსა და ზონაში შესვლის, დროებითი ყოფნისა და გადაადგილების საშვის გაცემის პროცედურის დამტკიცების შესახებ“. აღნიშნული ბრძანების შესაბამისად განახლდა განაცხადის ფორმა.
დაინტერესებულ პირებს განაცხადის ფორმისა და დამატებითი მოთხოვნების ნახვა შეუძლიათ შესაბამის ბმულზე - https://bpg.gov.ge/.../public.../information-for-tourists

სხვა სიახლეები

სასაზღვრო პოლიციამ მიგრანტის უკანონოდ გადაყვანის მცდელობისა და სახელმწიფო საზღვრის უკანონოდ გადაკვეთის მცდელობის ფაქტზე 2 პირი დააკავა

შინაგან საქმეთა სამინისტროს სასაზღვრო პოლიციის და ფინანსთა სამინისტროს შემოსავლების სამსახურის საბაჟო დეპარტამენტის თანამშრომლებმა, ერთობლივად ჩატარებული ოპერატიულ-საგამოძიებო მოქმედებების შედეგად, უცხო ქვეყნის ორი მოქალაქე - 1987 წელს დაბადებული ჰ.თ. და 1980 წელს დაბადებული ფ.ა. საქართველოს სახელმწიფო საზღვარზე მიგრანტის უკანონოდ გადაყვანის მცდელობისა და საქართველოს სახელმწიფო საზღვრის უკანონოდ გადაკვეთის მცდელობის ფაქტზე დააკავეს.

15-05-2025

სასაზღვრო პოლიციამ სახელმწიფო საზღვრის უკანონოდ, ჯგუფურად გადაკვეთის მცდელობის ფაქტზე 5 პირი დააკავა

შინაგან საქმეთა სამინისტროს სასაზღვრო პოლიციის თანამშრომლებმა, ბათუმის სამმართველოს "გორგაძეთისა" და "სარფის" სასაზღვრო სექტორების დასაცავ მონაკვეთებზე ჩატარებული ოპერატიულ-სამძებრო ღონისძიების შედეგად, უცხო ქვეყნის ხუთი მოქალაქე - 1991 წელს დაბადებული ა.ფ, 1996 წელს დაბადებული პ.ტ, 1991 წელს დაბადებული ს.ტ, 2002 წელს დაბადებული კ.ჰ. და 1994 წელს დაბადებული ა.ა. საქართველოს სახელმწიფო საზღვრის უკანონოდ, ჯგუფურად გადაკვეთის მცდელობის ფაქტზე დააკავეს.

07-05-2025

კატეგორიები