შინაგან საქმეთა სამინისტროს სასაზღვრო პოლიციის სანაპირო დაცვის დეპარტამენტის ფოთის ბაზას და საზღვაო ოპერაციების ერთობლივი მართვის ცენტრს (JMOC) აშშ-ის თავდაცვის საფრთხეების შემცირების სააგენტოს ევრაზიის ოფისის ახალი ხელმძღვანელი ბერნი დობნერი დელეგაციასთან ერთად ეწვია.
სტუმრებმა ფოთის ბაზაზე საინჟინრო-სარემონტო ინფრასტრუქტურა დაათვალიერეს და სანაპირო დაცვის ამოცანებსა და საზღვაო უსაფრთხოებასთან დაკავშირებულ საკითხებზე ამომწურავი ინფორმაცია მიიღეს. ბერნი დონბერს სანაპირო დაცვის დეპარტამენტის დირექტორის მოადგილეებმა, გიორგი ნაყოფიამ და ზაზა ერქვანიამ უმასპინძლეს.
DTRA-ს დელეგაცია საზღვაო ოპერაციების ერთობლივი მართვის ცენტრსაც ესტუმრა. ცენტრის ხელმძღვანელმა, II რანგის კაპიტანმა შოთა მიროტაძემ სტუმრებს ცენტრის საქმიანობის შესახებ დეტალური ინფრომაცია მიაწოდა.
აშშ-ის თავდაცვის საფრთხეების შემცირების სააგენტო (DTRA), საქართველოს სასაზღვრო პოლიციაში სანაპირო დაცვისა და სახმელეთო საზღვრის დაცვის შესაძლებლობების გაძლიერების მიზნით, არაერთ მნიშვნელოვან პროექტს ახორციელებს.
