სასაზღვრო პოლიციამ სახელმწიფო საზღვრის უკანონოდ გადაკვეთისა და გადაკვეთის მცდელობის ფაქტზე 3 პირი დააკავა

შინაგან საქმეთა სამინისტროს სასაზღვრო პოლიციის თანამშრომლებმა, ბათუმის სამმართველოს სხვადასხვა სექტორის დასაცავ მონაკვეთებზე ჩატარებული ოპერატიული ღონისძიებებისა და საგამოძიებო მოქმედებების შედეგად, უცხო ქვეყნის 3 მოქალაქე - 1986 წელს დაბადებული მ.ე., 1986 წელს დაბადებული მ.გ. და 1984 წელს დაბადებული ა.გ. საქართველოს სახელმწიფო საზღვრის უკანონოდ გადაკვეთისა და გადაკვეთის მცდელობის ფაქტებზე დააკავეს.

შინაგან საქმეთა მინისტრი, გეკა გელაძე სასაზღვრო პოლიციის სტრუქტურულ დანაყოფებს ეწვია.

მინისტრმა სწრაფი რეაგირების მთავარი სამმართველოს ინფრასტრუქტურა, სამუშაო სივრცეები, დანაყოფისთვის განკუთვნილი ავტოპარკი და სპეციალური აღჭურვილობა დაათვალიერა. გეკა გელაძე, სასაზღვრო პოლიციის უფროსთან, დავით თამაზაშვილთან ერთად, ასევე, დაესწრო ტაქტიკური მომზადების საჩვენებელ სწავლებას და ბაზაზე არსებული კინოლოგიური სამმართველო მოინახულა.