სასაზღვრო პოლიციამ საზღვრის უკანონოდ გადმოკვეთის ფაქტზე 5 პირი დააკავა

19-03-2025

შინაგან საქმეთა სამინისტროს სასაზღვრო პოლიციის თანამშრომლებმა, ბათუმის სამმართველოს სასაზღვრო სექტორ "სარფის" დასაცავ მონაკვეთზე ბოლო პერიოდში ჩატარებული ოპერატიულ-სამძებრო ღონისძიების შედეგად, უცხო ქვეყნის 5 მოქალაქე - 1994 წელს დაბადებული ო.შ, 1995 წელს დაბადებული გ.შ, 1997 წელს დაბადებული ფ.ო, 1995 წელს დაბადებული უ.შ, და 1992 წელს დაბადებული მ.ო. საქართველოს სახელმწიფო საზღვრის უკანონოდ გადმოკვეთის ფაქტზე დააკავეს.

დანაშაული 5 წლამდე ვადით თავისუფლების აღკვეთას ითვალისწინებს.

გამოძიებამ დაადგინა, რომ ბრალდებულებმა, სასაზღვრო-საკონტროლო გამტარი პუნქტის გვერდის ავლით, თურქეთის რესპუბლიკიდან საქართველოს მიმართულებით უკანონოდ, სხვადასხვა სატვირთო ავტომანქანაში დამალვის გზით გადმოკვეთეს საქართველოს სახელმწიფო საზღვარი.

გამოძიება საქართველოს სისხლის სამართლის კოდექსის 344-ე მუხლის პირველი ნაწილით მიმდინარეობს, რაც საქართველოს სახელმწიფო საზღვრის უკანონოდ გადაკვეთას გულისხმობს.

ვიდეო რეპორტაჟი

სხვა სიახლეები

სასაზღვრო პოლიციის თანამშრომლებმა სპეციალური პროფესიული გადამზადების პროგრამა დაასრულეს

შინაგან საქმეთა სამინისტროს სასაზღვრო პოლიციის სახმელეთო საზღვრის დაცვის დეპარტამენტის 19 თანამშრომელმა, სასაზღვრო პოლიციის სასწავლო ცენტრის სპეციალური პროფესიული გადამზადების პროგრამა - „განწესების წარმმართველი“ დაასრულა. სასწავლო კურსი შინაგან საქმეთა სამინისტროს აკადემიაში ჩატარდა.

02-05-2025

სასაზღვრო პოლიციამ უცხო ქვეყნის 4 მოქალაქე საზღვრის უკანონოდ გადაკვეთის მცდელობის ფაქტზე დააკავა

შინაგან საქმეთა სამინისტროს სასაზღვრო პოლიციის თანამშრომლებმა, ბათუმის სამმართველოს სასაზღვრო სექტორ "სარფის” დასაცავ მონაკვეთზე ჩატარებული ოპერატიულ-სამძებრო ღონისძიების შედეგად, უცხო ქვეყნის ოთხი მოქალაქე - 1984 წელს დაბადებული ს.უ, 1997 წელს დაბადებული მ.ა, 2006 წელს დაბადებული მ.ბ და 1994 წელს დაბადებული ნ.ზ. საქართველოს სახელმწიფო საზღვრის უკანონოდ, ჯგუფურად გადაკვეთის მცდელობის ფაქტზე დააკავეს.

01-05-2025

კატეგორიები