სანაპირო დაცვის დეპარტამენტის წარმომადგენელმა საერთაშორისო სწავლებაში მიიღო მონაწილეობა

24-06-2026

საქართველოს სასაზღვრო პოლიციის სანაპირო დაცვის დეპარტამენტის კანონაღსრულებისა და საზღვაო უსაფრთხოების სამსახურის კანონაღსრულების ტაქტიკური განყოფილების უფროსი გერმანიაში, ქალაქ ობერამერგაუში, ნატოს სკოლის სასწავლო კურსს დაესწრო.

კურსში მონაწილეობდნენ როგორც ნატოს წევრი, ასევე პარტნიორი ქვეყნების წარმომადგენლები.

სწავლება თეორიულ და პრაქტიკულ კომპონენტებს მოიცავდა. მონაწილეებმა განიხილეს ნატოს ინსტრუქტორთა მომზადებისა და გადამზადების მეთოდები, ასევე ინსტრუქტორის საქმიანობასთან დაკავშირებული სხვა მნიშვნელოვანი საკითხები.

კურსის მიზანი ინსტრუქტორის უნარ-ჩვევების განვითარება, სრულყოფა და პრაქტიკაში ეფექტიანად გამოყენების ხელშეწყობა იყო.

კურსის წარმატებით დასრულების შემდეგ მონაწილეებს შესაბამისი სერტიფიკატები გადაეცათ.

ფოტო რეპორტაჟი

სხვა სიახლეები

სასაზღვრო პოლიციამ სახელმწიფო საზღვრის უკანონოდ, ჯგუფურად გადაკვეთის ფაქტზე 2 პირი დააკავა

შინაგან საქმეთა სამინისტროს სასაზღვრო პოლიციის ოპერატიულ-საგამოძიებო დეპარტამენტის თანამშრომლებმა საქართველოს სახელმწიფო საზღვრის უკანონოდ, ჯგუფურად გადაკვეთის ფაქტზე უცხო ქვეყნის ორი მოქალაქე დააკავეს.

04-09-2026

სასაზღვრო პოლიციის სანაპირო დაცვის დეპარტამენტის წარმომადგენლებმა ქბრბ ინციდენტზე რეაგირების საველე სწავლებაში მიიღეს მონაწილეობა

შინაგან საქმეთა სამინისტროს სასაზღვრო პოლიციის სანაპირო დაცვის დეპარტამენტის წარმომადგენლებმა, ბათუმში, აშშ-ის თავდაცვის საფრთხის შემცირების სააგენტოს (DTRA) მიერ ორგანიზებულ, ქიმიურ, ბიოლოგიურ, რადიაციულ და ბირთვულ ინციდენტებზე (ქბრბ) რეაგირების უწყებათაშორის პრაქტიკულ საველე სწავლებაში - NEXUS GEORGIA 2026 მიიღეს მონაწილეობა.

02-09-2026

კატეგორიები