საქართველოს სასაზღვრო პოლიციამ ინტერპოლის მიერ წითელი ცირკულარით ძებნილი 2 პირი დააკავა

30-04-2026

შინაგან საქმეთა სამინისტროს სასაზღვრო პოლიციის თანამშრომლებმა ჩატარებული ოპერატიული ღონისძიებებისა და საგამოძიებო მოქმედებების შედეგად, ინტერპოლის წითელი ცირკულარით ძებნილი 2 პირი 1999 წელს დაბადებული ფ.ს. და 1993 წელს დაბადებული ო.ო. დააკავეს.

დაკავებული ფ.ს. თურქეთის რესპუბლიკის სამართალდამცავი ორგანოების მიერ ნარკოტიკებით ვაჭრობის და ცეცხლსასროლი იარაღით მუქარის ბრალდებით, ხოლო ო.ო. განზრახ მკვლელობისთვის იძებნებოდა.

ბრალდებულებმა საქართველოს საზღვარი უკანონოდ, ტრაილერში დამალვის გზით გადმოკვეთეს.

გამოძიება საქართველოს სისხლის სამართლის კოდექსის 344-ე მუხლით მიმდინარეობს, რაც 5 წლამდე ვადით თავისუფლების აღკვეთას ითვალისწინებს.

ვიდეო რეპორტაჟი

სხვა სიახლეები

სასაზღვრო პოლიციამ სახელმწიფო საზღვრის უკანონოდ, ჯგუფურად გადაკვეთის ფაქტზე 2 პირი დააკავა

შინაგან საქმეთა სამინისტროს სასაზღვრო პოლიციის ოპერატიულ-საგამოძიებო დეპარტამენტის თანამშრომლებმა საქართველოს სახელმწიფო საზღვრის უკანონოდ, ჯგუფურად გადაკვეთის ფაქტზე უცხო ქვეყნის ორი მოქალაქე დააკავეს.

04-09-2026

სასაზღვრო პოლიციის სანაპირო დაცვის დეპარტამენტის წარმომადგენლებმა ქბრბ ინციდენტზე რეაგირების საველე სწავლებაში მიიღეს მონაწილეობა

შინაგან საქმეთა სამინისტროს სასაზღვრო პოლიციის სანაპირო დაცვის დეპარტამენტის წარმომადგენლებმა, ბათუმში, აშშ-ის თავდაცვის საფრთხის შემცირების სააგენტოს (DTRA) მიერ ორგანიზებულ, ქიმიურ, ბიოლოგიურ, რადიაციულ და ბირთვულ ინციდენტებზე (ქბრბ) რეაგირების უწყებათაშორის პრაქტიკულ საველე სწავლებაში - NEXUS GEORGIA 2026 მიიღეს მონაწილეობა.

02-09-2026

კატეგორიები